Սիրիայում բախումները շարունակվում են՝ հակառակ հայտարարված հրադադարին

Դրուզների և զինված խմբավորումների միջև բախումները շարունակվում են Սիրիայի Աս-Սուվեյդա նահանգում՝ չնայած Սիրիայի իշխանությունների կողմից հրադադարի մասին պաշտոնական հայտարարությանը։

Լրատվամիջոցների փոխանցմամբ՝ երկրի հարավում իրավիճակը շատ լարված է մնում։ Հաղորդվում է, որ մարտեր են ընթանում ինչպես գյուղական վայրերում, այնպես էլ Սուվեյդա քաղաքում։ Երկու կողմերից էլ կան զոհեր և վիրավորներ։ Զինված խմբավորումները սպանում և գերեվարում են ոչ միայն դրուզ աշխարհազորայիններին, այլև քաղաքացիական անձանց, այդ թվում՝ դեռահասների և տարեցների։ Գրանցվել են դրուզների գույքի թալանման և ոչնչացման բազմաթիվ դեպքեր։