«Զանգեզուրի միջանցքը կարող է Իրանին ավելի մեկուսացնել տարածաշրջանում». #Defa-press

Հայաստանն Իրանի բարեկամ և խաղաղ հարևաններից մեկն է։ «Զանգեզուրի միջանցքի» ստեղծումը, որն անցնում է Հայաստանով և կարող է վերահսկվել Ադրբեջանի կամ օտարերկրյա ուժերի կողմից, կարող է խզել այս կենսական կապը։ Այս մասին գրել է իրանական «Defa-press» լրատվական գործակալությունը:

«Զանգեզուրի միջանցքը» ներկայացվել է որպես «տարածաշրջանում Իրանի ազդեցությունը թուլացնելու ավելի լայն ռազմավարության մաս»:

«Զանգեզուրի միջանցքը կարող է Իրանին ավելի մեկուսացնել տարածաշրջանում։ Այս մեկուսացումը վտանգավոր է Իրանի համար ոչ միայն քաղաքական և տնտեսական, այլև ռազմական առումով։ Հայաստանի հետ ցամաքային կապերի խզումը կնվազեցնի Իրանի կարողությունը՝ աջակցելու այս երկրին Բաքվի և Անկարայի ճնշման պայմանններում, ինչը կարող է հանգեցնել տարածաշրջանում ռազմական հավասարակշռության փոփոխության՝ ի վնաս Իրանի»,- գրել է գործակալությունը։