Սախալինում հրդեհվել է Ռուսաստանի ամենաերկար ածխային փոխադրիչը

1283

Երկուշաբթի, 21 հուլիսի, 2025 թ., 11:21

Սախալինում Նիկոլսկոյե գյուղի մոտ հրդեհ է բռնկվել ՌԴ ամենաերկար ածխային փոխադրիչի վրա։ Այս մասին հայտնել է Արտակարգ իրավիճակների նախարարությունը։ Փրկարարների տվյալներով՝ հրդեհը ձգվել է մինչև 200 մետր։
Վերջին տեղեկությունների համաձայն՝ հրշեջներին արդեն հաջողվել է ամբողջությամբ մարել հրդեհը։ Զոհերի մասին տեղեկություններ չկան։

Ռուսաստանում ամենաերկար գլխավոր ածխային փոխադրիչը պետք է Սոլնցևսկիի ածխահանքը կապեր Սախալինի արևմտյան ափին գտնվող Շախտյորսկի ծովային նավահանգստի հետ։ Ածխային փոխադրիչի երկարությունը 23 կմ է։ Նախատեսվում էր, որ օբյեկտը լիովին կգործարկվի այս տարի։