Երեքշաբթի, 13 հունվարի, 2026 թ.
|
Ստեփանակերտում`   +2 °C

«Չհամաձայնել օկուպացիային»․ Ալիևն առաջին անգամ հրապարակայնորեն աջակցել է Ուկրաինային

«Չհամաձայնել օկուպացիային»․ Ալիևն առաջին անգամ հրապարակայնորեն աջակցել է Ուկրաինային
685
Երկուշաբթի, 21 հուլիսի, 2025 թ., 15:24

Ադրբեջանի նախագահ Իլհամ Ալիևն առաջին անգամ հրապարակայնորեն աջակցել է Ուկրաինային՝ Ռուսաստանի գործողությունների նկատմամբ օգտագործելով «օկուպացիա» բառը։ Այս մասին հաղորդում է «Կոմերսանտը»։

«Պատասխանելով հարցին, թե ինչ խորհուրդ կարող է տալ Կիևին, Ադրբեջանի նախագահն առաջին անգամ բացահայտորեն աջակցել է Ուկրաինային՝ երկու անգամ օգտագործելով «օկուպացիա» բառը Ռուսաստանի գործողությունների նկատմամբ», - գրում է թերթը։

«Կոմերսանտը» մեջբերում է Ալիևի խոսքերը՝ հուլիսի 20-ին օկուպացված Ստեփանակերտում տեղի ունեցած «Շուշիի III գլոբալ մեդիա համաժողովի» ժամանակ, որտեղ նա Ուկրաինային կոչ է արել «չհամաձայնել օկուպացիային»։ Ադրբեջանի նախագահի խոսքով՝ այս հայտարարությունը «համապատասխանում է ուկրաինացի ժողովրդի ձգտումներին»։

Նա Կիևին խորհուրդ է տվել նաև օգտագործելՂարաբաղը ռազմական ճանապարհով վերադարձնելու հարցում Բաքվի փորձը։

Ավելի վաղ՝ Շուշիի մեդիա ֆորումի ժամանակ, ուկրաինացի լրագրող Ելենա Կուրբանովան Իլհամ Ալիևին նվիրել էր ուկրաինական բանակի տարբերանշանների հավաքածու։ Ի պատասխան՝ Ալիևն ասել է՝ «Շատ շնորհակալ եմ։ Շնորհակալություն ձեր արածի համար։ Շարունակե՛ք նույն ոգով»։