«Իսրայելն ու ՀԱՄԱՍ-ը հրադադարի համաձայնագիր կկնքեն»․ #Maan

666

Երկուշաբթի, 21 հուլիսի, 2025 թ., 16:15

Առաջիկա օրերին պաղեստինյան ՀԱՄԱՍ շարժման և իսրայելական կողմի միջև կստորագրվի հրադադարի և որոշ պատանդների ազատ արձակման վերաբերյալ համաձայնագիր։ Այս մասին հայտնել է արմատական շարժմանը մոտ կանգնած Maan գործակալությունը։

Ըստ գործակալության աղբյուրների՝ «համաձայնագիրը կստորագրվի և կհայտարարվի այս շաբաթ, ամենաուշը՝ հաջորդ շաբաթվա սկզբին»։ Գործակալությունը նշում է, որ ՀԱՄԱՍ-ը համաձայնել է առաջարկին, որը ենթադրում է Գազայի հատվածում 60-օրյա հրադադարի հաստատում և այդ ընթացքում 10 պատանդի փոխանցում իսրայելական կողմին։

Գործակալությունը չի բացառել, որ հրադադարի վերաբերյալ համաձայնագիրը կարող է հայտարարվել «հաջորդ կիրակի, և հնարավոր է՝ ուրբաթ, եթե համաձայնագրի բոլոր մանրամասները վերջնականապես համաձայնեցվեն»։

Կատարում ընթացող անուղղակի բանակցություններում ներկայացված վերջին նախաձեռնության շրջանակներում՝ 60-օրյա հրադադարի ընթացքում արմատականները իսրայելական կողմին կհանձնեն10 պատանդների, ինչպես նաև Գազայում սպանված18 գերիների մարմիններ։ Իսրայելը պարտավորվում է բանտից ազատ արձակել երկարաժամկետ պատիժ կրող 150 պաղեստինցիների, ինչպես նաև 1100 արաբների, որոնք ձերբակալվել են Գազայի հատվածում 2023 թվականի հոկտեմբերին անկլավում Իսրայելի ռազմական գործողության սկսվելուց ի վեր։ Բացի այդ, համաձայնագրերի համաձայն, անկլավի բնակիչներին տրամադրվող մարդասիրական օգնության ծավալը զգալիորեն կավելանա։