Իսրայելը հարվածել է Գազայի վրանային ճամբարին. 14 մարդ է զոհվել

1071

Երեքշաբթի, 22 հուլիսի, 2025 թ., 12:15

Գազայի հատվածում ներքին տեղահանվածների համար նախատեսված վրանային ճամբարին Իսրայելի կողմից իրականացված օդային հարվածի հետևանքով զոհվել է 14 պաղեստինցի, ևս 25-ը՝ վիրավորվել։

Պաղեստինյան WAFA լրատվական գործակալության հաղորդմամբ՝ իսրայելական ուժերը հարձակվել են Գազա քաղաքի արևմտյան մասում գտնվող ալ-Շատի փախստականների ճամբարի վրանների վրա։

Ըստ տեղեկությունների՝ զոհվածների թվում կան կանայք և երեխաներ։

Գազայի հատվածը գտնվում է Իսրայելի խիստ շրջափակման տակ, որը սահմանափակում է մարդասիրական օգնության հասանելիությունը։