Ուրբաթ, 20 փետրվարի, 2026 թ.
|
Ստեփանակերտում`   +4 °C

«Հայկական կողմը դեռևս քայլեր չի ձեռնարկում»․ Բայրամով

«Հայկական կողմը դեռևս քայլեր չի ձեռնարկում»․ Բայրամով
554
Երեքշաբթի, 22 հուլիսի, 2025 թ., 14:33

Ադրբեջանի և հայ հասարակությունների միջև վստահության ամրապնդման միջոցառումների անցկացումը մեծ նշանակություն ունի։ Այս մասին Մակա Բոչորիշվիլիի հետ համատեղ ասուլիսում ասել է Ադրբեջանի արտգործնախարար Ջեյհուն Բայրամովը։

«Հասարակությունների միջև վստահության ամրապնդման միջոցառումների պլանավորումն ու իրականացումը, հանդիպումների անցկացումը չափազանց կարևոր են։ Այս համատեքստում ես կրկին ցանկանում եմ շնորհակալություն հայտնել տիկին նախարարին և վրացական կողմին, որ Վրաստանի նախաձեռնությամբ ապրիլի 17-ին տեղի ունեցավ շատ օգտակար հանդիպում Ադրբեջանի, Վրաստանի և Հայաստանի փոխարտգործնախարարների մակարդակով»,- նշել է Բայրամովը։

«Կարծում ենք, որ խաղաղության ճանապարհին կան լավ հեռանկարներ և որ ավարտն իրատեսական է։ Կան կոնկրետ քայլեր այս գործընթացն ավարտելու համար, բայց հայկական կողմը դրանք դեռևս չի ձեռնարկել»,- նշել է Բայրամովը։