Ուրբաթ, 20 փետրվարի, 2026 թ.
|
Ստեփանակերտում`   +4 °C

Բայրամովը խոսել է խաղաղության ճանապարհի «խոչընդոտների» մասին

Բայրամովը խոսել է խաղաղության ճանապարհի «խոչընդոտների» մասին
591
Երեքշաբթի, 22 հուլիսի, 2025 թ., 14:51

Ադրբեջանի և Հայաստանի միջև վերջնական խաղաղության հասնելու համար անհրաժեշտ է Հայաստանում անցկացնել հանրաքվե, Ադրբեջանի նկատմամբ տարածքային պահանջները բացառել երկրի Սահմանադրությունից և վերացնել ԵԱՀԿ Մինսկի խումբը։ Ինչպես հաղորդում է АПА-ն, այս մասին հայտնել է Ադրբեջանի արտաքին գործերի նախարար Ջեյհուն Բայրամովը՝ Վրաստանի արտաքին գործերի նախարար Մակա Բոչորիշվիլիի հետ Թբիլիսիում կայացած համատեղ ասուլիսում։

Բայրամովը նշել է ՀՀ-ում հանրաքվե անցկացնելու, ինչպես նաև Մինսկի գործընթացի այն ինստիտուտները վերացնելու անհրաժեշտությունը, որոնք կորցրել են իրենց նշանակությունը և իրականում գոյություն չունեն, ինչպես նաև հենց Մինսկի խումբը։

Բայրամովի խոսքով՝ հանդիպման ժամանակ նա Բոչորիշվիլիին տեղեկացրել է «օկուպացիայից ազատագրված տարածքներում վերականգնողական աշխատանքների ընթացքի, ինչպես նաև նախկին ներքին տեղահանված անձանց իրենց նախնիների հողեր վերադարձնելու գործընթացի և կատարված հսկայական աշխատանքի մասին»՝ նշելով, որ անվտանգ վերադարձի հարցում հիմնական խնդիրը մնում է ականների հետ կապված սպառնալիքը։