Զելենսկին դարձյալ առաջարկել է Պուտինին հանդիպել

Ուկրաինայի նախագահ Վլադիմիր Զելենսկին կրկին առաջարկել է ՌԴ նախագահ Պուտինին հանդիպել և բանակցել Ուկրաինայում պատերազմի դադարեցման շուրջ:

Առաջարկը հնչել է երկու երկրների պատվիրակությունների միջև այս շաբաթ Ստամբուլում կայանալիք հանդիպումից առաջ, որը կլինի երրորդը՝ տարեսկզբից ի վեր։ Կրեմլը հայտարարել է, որ այդ հանդիպումից հրաշքներ սպասելու որևէ հիմք չկա: «Կրեմլը հույսեր չի կապում Ստամբուլում կայանալիք բանակցություններում «հրաշալի առաջընթացի» հետ։ Ստեղծված իրավիճակում դա քիչ հավանական է»,- նշել է Պեսկովը։