«Հակամարտությունը կձգձգվի»․ Թաիլանդի իշխանություններն իրենց քաղաքացիներին կոչ են արել շտապ լքել Կամբոջան

Թաիլանդի իշխանություններն իրենց քաղաքացիներին կոչ են արել շտապ լքել Կամբոջան՝ երկու երկրների սահմանին տեղի ունեցած մի շարք բախումների պատճառով, հաղորդում է CNN-ը՝ հղում անելով Փնոմպենում Թաիլանդի դեսպանատան հայտարարությանը: Դիվանագետները կարծում են, որ հակամարտությունը «կձգձգվի և կարող է ավելի ընդլայնվել»։

«Կամբոջայում ներկայումս մնալու հիմնավոր պատճառներ չունեցող Թաիլանդի քաղաքացիներին խորհուրդ է տրվում լքել երկիրը, հենց որ դա անվտանգ լինի», - ասվում է դեսպանատան հայտարարության մեջ։

Դեսպանատունը Թաիլանդի քաղաքացիներին խնդրում է նաև զերծ մնալ Կամբոջա ցանկացած ոչ կարևոր ուղևորությունից։