«Արևմուտքը փորձում է հայ-ադրբեջանական հարաբերությունների կարգավորումը դուրս բերել տարածաշրջանային հարթությունից»․ Զախարովա

Արևմուտքը փորձում է հայ-ադրբեջանական հարաբերությունների կարգավորումը դուրս բերել տարածաշրջանային հարթությունից։ Այս մասին ճեպազրույցի ժամանակ հայտարարել է ՌԴ ԱԳՆ ներկայացուցիչ Մարիա Զախարովան։

«Բրյուսելի «բարի» մտադրությունների ներքո զուտ կոնյունկտուրային (իրավիճակով պայմանավորված) խնդիր է թաքնված՝ Արևմուտքը ձգտում է Բաքվի և Երևանի միջև հաշտեցման գործընթացը տեղափոխել սեփական հուն՝ ևս մեկ անգամ քաղաքական դիվիդենդներ շահելու համար», – ասել է Զախարովան։

«Այդ ընթացքում Հարավային Կովկասի երկու երկրները փորձում են հասնել կառուցողական, կոնսենսուսային որոշումների՝ ինքնուրույն, իրենց հարևանների (Ռուսաստան, Իրան, Թուրքիա) աջակցությամբ, որոնք բազմիցս նպաստել են նրանց հաշտեցմանը կամ սուր կոնֆլիկտային իրավիճակների լուծմանը»,- նշել է Զախարովան։