Ուրբաթ, 13 նոյեմբերի, 2026 թ.
|
Ստեփանակերտում`   +8 °C

Կամբոջայի վերահսկողության տակ են հայտնվել Թաիլանդի հետ սահմանին գտնվող երկու տաճարներ

Կամբոջայի վերահսկողության տակ են հայտնվել Թաիլանդի հետ սահմանին գտնվող երկու տաճարներ
1000
Հինգշաբթի, 24 հուլիսի, 2025 թ., 17:21

Կամբոջայի բանակը գրավել է Թաիլանդի հետ սահմանին գտնվող երկու տաճար։ Այս մասին հայտարարություն է տարածել Կամբոջայի պաշտպանության նախարարությունը։

«Թաիլանդի հետ թեժ մարտերի ընթացքում մեր բանակը գրավել է Տա Կրաբեյ և Տա Մոան Թոմ տաճարները, որոնք մեր երկրի ինքնիշխան տարածքներն են, ինչպես նաև Մոմ Բեյ շրջանը», - ասվում է նախարարության հայտարարության մեջ։

Նախարարությունը նաև մեղադրել է թաիլանդական բանակին քաղաքացիական օբյեկտների վրա դիտավորյալ կրակ բացելու մեջ։

Կամբոջական կողմից զոհերի մասին հաղորդագրություններ չեն եղել։

Թաիլանդի առողջապահության նախարարությունը հայտնել է 12 թաիլանդացու մահվան և 31-ի վիրավորման մասին։

Երկու երկրներն էլ միմյանց մեղադրում են սահմանային գոտում գտնվող ռազմական օբյեկտներին առաջինը կրակ բացելու և հարվածելու մեջ։