Թաիլանդը F-16 կործանիչներով հարվածել է Կամբոջայի դիրքերին

Թաիլանդի ռազմաօդային ուժերը օգտագործել են F-16 կործանիչներ՝ սահմանային շրջաններում Կամբոջայի զինված ուժերի դիրքերին ավիահարվածներ հասցնելու համար: Այս մասին հաղորդում է The Nation թերթը՝ հղում անելով Թաիլանդի ռազմաօդային ուժերի հայտարարությանը։

Պրեահ Վիհեար, Տա Մուեն Թոմ և Ֆու Մակուա տաճարային համալիրների մոտակայքում գտնվող թիրախներին հարվածներն իրականացվել են ի պատասխան Կամբոջայի կողմից Թաիլանդի բնակելի շենքերի և հիվանդանոցների վրա ծանր զենքի օգտագործման: Գերատեսչությունը նշել է, որ բոլոր կործանիչներն անվտանգ վերադարձել են իրենց բազաներ՝ առաքելությունն ավարտելուց հետո: