Իրանում զինված հարձակում է տեղի ունեցել դատարանի շենքի վրա․ կան զոհեր

Իրանի հարավ-արևելքում գտնվող Սիստան և Բելուջիստան նահանգի Զահեդան քաղաքում զինված հարձակում է տեղի ունեցել տեղի դատարանի շենքի վրա: Ըստ Baloch Telegram Haalvsh ալիքի՝ մի քանի զինված տղամարդիկ ներխուժել են շենք՝ դեպի դատավորների գրասենյակներ:

Ականատեսները հայտնել են, որ հարձակվողները կրակ են բացել շենքի ներսում: Հարձակման հետևանքով դատարանի աշխատակիցների և զինծառայողների շրջանում կան զոհեր և վիրավորներ: Զոհերի ճշգրիտ թիվը դեռևս չի բացահայտվել: Այս պահին հարձակվողների ինքնությունը և նրանց դրդապատճառները անհայտ են մնում:

Սուննի բելուջիստաններով բնակեցված Սիստան և Բելուջիստան նահանգը Իրանի ամենամեծ բողոքի օջախն է, որը բնութագրվում է կառավարության դեմ հաճախակի ցույցերով և ռեժիմի անվտանգության ուժերի հետ բախումներով: