«Հենոյին նեղացրել են, և դա դատապարտելի է»․ Թաթուլ Հակոբյան

Լրագրող Թաթուլ Հակոբյանի ֆեյսբուքյան գրառումը․ «Իմ ընկերներն ու հետևողները գիտեն, թե ինչպիսին է իմ վերաբերմունքը Հենրիխ Մխիթարյանի նկատմամբ:
Այո, նա Հայաստանի բոլոր ժամանակների լավագույն ֆուտբոլիստն է, իմ կարծիքով:
Հենոյի տեղափոխությունների հետ ես աջակցել եմ Շախտյորին, Բորուսիային, Յունայթեդին, Արսենալին, Ռոմային, Ինտերին... ինչպես գրեթե բոլոր հայերը:
Ես գիտեմ, որ Հենոյին նեղացրել են, և դա դատապարտելի է:
Անհեթեթություն է, երբ Չեմպիոնների լիգայի եզրափակիչ հասած թիմի առանցքային ֆուտբոլիստը չի խաղում ՀՀ ազգային հավաքականում:
Բնականաբար, ես, ինչպես աշխարհի ամեն ողջախոհ հայ, ուրախանում ու հպարտանում եմ Լևոն Արոնյանի հաջողություններով:
Բայց համաձայն չեմ, որ բոլորս, հատկապես աստեղերը, անդադար պետությունից են նեղանում, ավելի ճիշտ՝ իշխող վարչակարգից կամ բարձրաստիճան չինովնիկներից:
Իշխանությունն ո՞վ է, որ Դուք նեղանում եք և հեռանում Հայաստանից:
Հազար Նիկոլ գա ու գնա, ես, օրինակ, իմ պետությունից չեմ նեղանալու և չեմ լքելու այս երկիրը:
Բայց նաև նկատել եմ, որ շատ շատերը իրենց Հայաստանում չապրելը արդարացնում են Նիկոլով կամ ինչ-որ չինովնիկով:
Մի ժամանակ դա անում էին Սերժով, Քոչարյանով, Լևոնով ու կոմունիստներով:
Եթե Դուք հեռացել եք երկրից և ընտրել բնակության այլ վայր, դա Ձեր իրավունքն է:
Միևնույնն է, ինչ դրոշի տակ էլ խաղաք, մենք Ձեզ սիրելու ենք և հպարտանալու Ձեր ու մեր հաջողություններով»։