Հովհաննես Մարգարյանը սահմանեց աշխարհի ռեկորդ

Ֆրանսիայի Շատորու քաղաքում անցկացվող մարզական հրաձգության վազող թիրախ մրցաձևի Եվրոպայի առաջնությունում Հայաստանի ներկայացուցիչ Հովհաննես Մարգարյանը նվաճեց չեմպիոնի տիտղոսը։

50 մետր վազող թիրախ նորմալ վազք մրցաձևի տղամարդկանց անհատական պայքարում Հովհաննես Մարգարյանը, խոցելով 591 միավոր, գրանցեց համաշխարհային ռեկորդ և դարձավ Եվրոպայի չեմպիոն։

Տղամարդկանց Հայաստանի թիմը 1738 միավորով նվաճեց նաև թիմային բրոնզե մեդալ։

Լիլիթ Մկրտչյանը նույն մրցաձևում 572 միավոր արդյունքով նվաճեց բրոնզե մեդալ։

Կանանց Հայաստանի հավաքականը 1685 միավորով նվաճեց թիմային արծաթե մեդալ։