«Կամբոջան կրկին խախտել է հրադադարը»․ Թայլանդի ԱԳՆ

Թայլանդի ԱԳՆ-ն հայտնել է, որ Կամբոջայի զինված ուժերը կրկին խախտել են հրադադարը:
«Հուլիսի 29-ի ուշ երեկոյան, Թայլանդի և Կամբոջայի միջև հրադադարի մասին համաձայնագրի կնքումից 24 ժամ էլ չանցած, Ֆու Մակուայում գտնվող թայլանդական ռազմական դիրքերը հարձակման են ենթարկվել կամբոջական զորքերի կողմից՝ հրաձգային զենքերի և նռնակների կիրառմամբ: Հարձակումը շարունակվել է մինչև հուլիսի 30-ի առավոտը»,- ասված է Թայլանդի ԱԳՆ հայտարարության մեջ։

Հաղորդվում է, որ նման «ագրեսիան» Կամբոջայի զինված ուժերի կողմից հրադադարի մասին համաձայնագրի «ևս մեկ կոպիտ խախտում» է:

Թայլանդը կոչ է արել Կամբոջային՝ անհապաղ դադարեցնել հարձակումները և վերադառնալ նախկինում ձեռք բերված համաձայնագրերի լիարժեք կատարմանը։