Ադրբեջանական սփյուռքի ղեկավար Շահին Շիխլինսկու նկատմամբ հետախուզում է հայտարարվել

Եկատերինբուրգում ադրբեջանական սփյուռքի ղեկավար Շահին Շիխլինսկու նկատմամբ հետախուզում է հայտարարվել։ Այս մասին հաղորդվել է ՌԴ ՆԳՆ-ն։

«Պատճառը՝ հետախուզվում է Քրեական օրենսգրքի հոդվածով»,- ասվում է ՆԳՆ հաղորդագրության մեջ։

Ավելի վաղ Ռուսաստանի Դաշնության քննչական կոմիտեի Սվերդլովսկի մարզի քննչական վարչության մամուլի ծառայությունը հայտնել էր, որ Եկատերինբուրգում կասեցվել է էթնիկ խմբի գործունեությունը, որը, ըստ քննության, ներգրավված է եղել 2001, 2010 և 2011 թվականներին տեղի ունեցած մի շարք սպանությունների մեջ։ Խմբի անդամները՝ ազգությամբ ադրբեջանցիներ, ձերբակալվել էին։ Բացի այդ, Եկատերինբուրգում ադրբեջանական սփյուռքի ղեկավարի որդին՝ Մութվալա Շիխլինսկին, ձերբակալվել էր պետական պաշտոնյայի նկատմամբ բռնության գործով։

Երկու ամիս առաջ ձերբակալված Մութվալա Շիխլինսկու խափանման միջոց կալանքը դատարանն այսօր անփոփոխ է թողել։