Ցունամին հասել է Կալիֆոռնիայի ափեր

1118

Չորեքշաբթի, 30 հուլիսի, 2025 թ., 13:33

Կամչատկայում երկրաշարժից հետո ցունամիի ալիքները հասել են ԱՄՆ Կալիֆոռնիա նահանգի ափերը։ Այս մասին հայտնել է ԱՄՆ Ազգային օդերևութաբանական ծառայությունը։

«Ցունամին հասել է Կալիֆոռնիայի ափեր և, դատելով Կալիֆոռնիա նահանգի Արինա Քովի լողափում մակընթացության ցուցանիշներից, այս պահին շարժվում է ափի երկայնքով», - ասվում է X-ում օդերևութաբանական ծառայության Լոս Անջելեսի գրասենյակում տեղադրված հաղորդագրության մեջ։

Օդերևութաբանների տվյալներով՝ ալիքների բարձրությունը 48 սմ է։