Ծանրամարտիկ Կարապետ Կարապետյանը դարձավ Եվրոպայի առաջնության ոսկե մեդալակիր

Հայաստանի պատանիների հավաքականի անդամ Կարապետ Կարապետյանը դարձավ Եվրոպայի առաջնության հրում վարժության ոսկե մեդալակիր։ Այս մասին հայտնում է Հայաստանի Ծանրամարտի Ֆեդերացիան։
Իսպանիայի մայրաքաղաք Մադրիդում ընթացող պատանիների Եվրոպայի առաջնությունում հուլիսի 30-ին պայքարի մեջ մտան 79 կգ քաշային տղաները:
Հայաստանի թիմից Կարապետ Կարապետյանը պոկում վարժությունում բարձրացրեց 125 կգ: Հրում վարժությունում մեր ծանրորդը գլխավերևում պահեց 155 կգ ու 161 կգ: Հրում վարժությունում Կարապետյանը նվաճեց ոսկե մեդալ: Երկամարտի 286 կգ արդյունքով՝ նա Եվրոպայի առաջնությունում 4-րդն է»: