«Ստացված օգնությունը դեռևս բավարար չէ». Պաղեստինի իշխանություններ

Գազայի հատվածում մարդասիրական իրավիճակը չի բարելավվել: Այս մասին հայտնել են Պաղեստինի իշխանությունները:

Ստացված օգնությունը դեռևս բավարար չէ 2.4 միլիոն բնակչի համար, ՌԻԱ Նովոստիին հայտնել է Գազայի հատվածում կառավարության տեղեկատվական ծառայության տնօրեն Իսմայիլ ալ-Սավաբիտան։
Հուլիսի 26-ին Իսրայելն օտարերկրյա պետություններին թույլատրել էր վերսկսել օգնության օդային առաքումները: Եգիպտոսից մարդասիրական օգնությամբ բեռնատարներ նույնպես ուղարկվել են Գազա։

«Իրավիճակը չի բարելավվել, այլ, հակառակը, խիստ վատթարացել է՝ «մարդասիրական զիջումներ» հայտարարվելուց հետո։ Գազայի հատվածը փաստորեն մտել է սովի երրորդ փուլ։ Համաշխարհային պարենային ծրագրի դասակարգման համաձայն՝ սա նշանակում է լայնածավալ սովի սկիզբ», - ասել է գործակալության զրուցակիցը։
Նրա խոսքով՝ բնակչության 85%-ն ապրում է պարենային անապահովության պայմաններում։ Պաշտոնյան բացատրել է, որ 2.4 միլիոն մարդուց 1.1 միլիոնն անչափահասներ են, որոնցից 40,000-ը մեկ տարեկանից փոքր են: Նրա խոսքով՝ 154 պաղեստինցի արդեն մահացել է թերսնումից, այդ թվում՝ 89 երեխա:

«Դեղորայքի պակաս կա, ջուրը աղտոտված է, իսկ առողջապահական համակարգը գործնականում ոչնչացված է», - ասել է ալ-Սավաբիտան: