Հայ շախմատիստները` Շախմատի համաշխարհային ֆեդերացիայի թարմացված աղյուսակում

730

Շաբաթ, 02 օգոստոսի, 2025 թ., 19:30

Հայաստանի տղամարդկանց շախմատի միայն մեկ ներկայացուցիչ է ընդգրկվել Շախմատի համաշխարհային ֆեդերացիայի (ՖԻԴԵ) թարմացված վարկանիշային «Թոփ 100»-յակի աղյուսակում, որը հրապարակվել է կազմակերպության պաշտոնական կայքում: Շարքը գլխավորում են Մագնուս Կարլսենը, Հիկարու Նակամուրան, Ֆաբիանո Կարուանան:
Հայ գրոսմայստերներից լավագույն հարյուրյակում է Շանթ Սարգսյանը (2653 միավոր), որը զբաղեցնում է աղյուսակի 68-րդ տեղը:
Հատկանշական է, որ աղյուսակում ԱՄՆ-ն ներկայացնող Լևոն Արոնյանը, որ զբաղեցնում է 16-րդ հորիզոնականը, նշված է Հայաստանի դրոշի պատկերակով:

Լևոն Արոնյանը վարկանիշային աղյուսակում 16-րդն է

Կանանց «Թոփ 100» վարկանիշում ներառված է երկու հայ շախմատիստուհի՝ Էլինա Դանիելյանը (2405 միավոր) և Լիլիթ Մկրտչյանը (2393 միավոր): Նրանք զբաղեցնում են համապատասխանաբար 37-րդ և 48-րդ տեղերը։