Երկուշաբթի, 01 դեկտեմբերի, 2025 թ.
|
Ստեփանակերտում`   +13 °C

Գազայում Իսրայելի հարվածից լրագրողներ են զոհվել

Գազայում Իսրայելի հարվածից լրագրողներ են զոհվել
905
Երկուշաբթի, 11 օգոստոսի, 2025 թ., 09:45

Գազայի հատվածում Իսրայելի հասցրած ավիահարվածի հետևանքով զոհվել է արաբական «Al Jazeera» հեռուստաալիքի հինգ աշխատակից։ Այս մասին հաղորդվել է հեռուստաալիքի կայքում։

Ըստ հաղորդագրությունների՝ իսրայելական ԱԹՍ-ն հարվածել է Գազա քաղաքի «Ալ-Շիֆա» հիվանդանոցի մոտ գտնվող լրագրողների վրանին։ Պայթյունի հետևանքով զոհվել են լրագրողներ Անաս ալ-Շարիֆը և Մոհամմեդ Կրեյկեան, ինչպես նաև օպերատորներ Իբրահիմ Զահերը, Մոհամմեդ Նուֆալը և Մոամեն Ալիվան։

Իր հերթին, «Ալ-Շիֆա» հիվանդանոցի տնօրեն Մոհամմեդ Աբու Սալմիան հայտնել է, որ հարձակման հետևանքով, ընդհանուր առմամբ, զոհվել է յոթ մարդ։

Իսրայելի պաշտպանության ուժերը տեղեկացրել են, որ որպես լրագրող ներկայացող տղամարդն իրականում ահաբեկիչ է եղել։ Այդ մասին վկայում են Գազայի հատվածում հայտնաբերված բազմաթիվ փաստաթղթերը, հայտնել է Իսրայելի բանակը։