Թրամփը հրամայել է Սպիտակ տան նախասրահից հեռացնել նախկին նախագահների նկարները

730

Երկուշաբթի, 11 օգոստոսի, 2025 թ., 16:12

ԱՄՆ նախագահ Դոնալդ Թրամփը հրամայել է Սպիտակ տան գլխավոր մուտքից հեռացնել նախկին նախագահներ Ջորջ Բուշ ավագի, Ջորջ Բուշ կրտսերի և Բարաք Օբամայի դիմանկարները։ Այս մասին հաղորդում է CNN-ը՝ հղում կատարելով աղբյուրներին։

Հրապարակման համաձայն՝ Օբամայի դիմանկարը տեղափոխվել է գլխավոր աստիճանից վերև։ Այժմ այն թաքնված կլինի հազարավոր այցելուների տեսադաշտից։

Սպիտակ տան արարողակարգի համաձայն՝ ԱՄՆ վերջին նախագահների դիմանկարները պետք է տեղադրվեն նստավայրի մուտքի մոտ գտնվող աչքի ընկնող տեղում, որպեսզի պաշտոնական միջոցառումների հյուրերը և այցելուները կարողանան տեսնել դրանք։