Տարեսկզբից Սվերդլովսկի մարզից 1000 ապօրինի ներգաղթյալ է արտաքսվել

628

Երկուշաբթի, 11 օգոստոսի, 2025 թ., 16:39

Հունվարից մինչև հուլիս Սվերդլովսկի մարզից արտաքսվել են գրեթե 1000 ապօրինի ներգաղթյալներ։ Այս մասին հայտնել է ՌԴ դատական կատարողների դաշնային ծառայության տարածաշրջանային գլխավոր վարչությունը։
Արտաքսվածների մեծ մասը Կենտրոնական Ասիայի երկրների քաղաքացիներ են։

Նշված ժամանակահատվածում իրենց հայրենիք է ուղարկվել ավելի քան 400 մարդ Տաջիկստանից, մոտ 300-ը՝ Ուզբեկստանից և ավելի քան 130-ը՝ Ղրղզստանից։ Արտաքսվածների ցուցակում են նաև 33 ադրբեջանցիներ։
Գերատեսչության տվյալներով՝ արտաքսվածները Ռուսաստան են ժամանել աշխատելու համար, բայց երկրում գտնվել են առանց օրինական հիմքերի: