ՀԱՄԱՍ-ը պատրաստ է դուրս բերել իր զինյալներին Գազայից՝ Իսրայելի զորքերի դուրսբերման դիմաց

Պաղեստինյան ՀԱՄԱՍ շարժումը պատրաստակամություն է հայտնել դուրս բերել իր զինյալներին Գազայի հատվածից, հաղորդում է «Ալ Արաբիան»՝ հղում անելով աղբյուրներին։

«ՀԱՄԱՍ-ը պատրաստակամություն է հայտնել դուրս բերել իր զինյալներին՝ Իսրայելի զորքերի՝ նախապես համաձայնեցված դիրքեր դուրսբերման դիմաց՝ ընդգծելով պատանդների կյանքը պահպանելու իր հանձնառությունը», - հեռուստաալիքին հայտնել են աղբյուրները։

Ըստ աղբյուրների՝ շարժումը «պահանջել է գրավոր համաձայնագիր Իսրայելի հետ», որը ներառում է միջազգային երաշխիքներ՝ «Գազան օկուպացնելու Իսրայելի ծրագրերի դադարեցման» և ռազմական գործողությունների չվերսկսման վերաբերյալ։

Աղբյուրները նաև նշել են, որ Եգիպտոսը մշակում է Գազայի վերաբերյալ համապարփակ համաձայնագրի ծրագիր, որը պետք է իրականացվի մինչև օգոստոսի վերջ։