ֆուտբոլի ազգային հավաքականի մի քանի անդամներ ազատվեցին զինվորական ծառայությունից

433

Հինգշաբթի, 14 օգոստոսի, 2025 թ., 12:36

Այսօր ՀՀ Կառավարության նիստի ժամանկ որոշում ընդունվեց Ֆուտբոլի Հայաստանի ազգային հավաքականի անդամներ Ալբերտ Գագիկի Խաչումյանը, Կարեն Արթուրի Մելքոնյանը, Արսեն Միքայելի Սադոյանը ազատել շարքային կազմի պարտադիր զինվորական ծառայությունից։
Հիմնավորման մեջ ասված է․ «Նրանց ՀՀ կառավարության որոշմամբ տրամադրվել էր տարկետում մինչև 26 տարին լրանալը, որը համընկնում է 2025թ․ ամառային զորակոչի հետ: Ըստ Հայաստանի ֆուտբոլի ֆեդերացիայի ներկայացրած փաստաթղթերի՝ ներկա պահին նրանք համդիսանում են ֆուտբոլի Հայաստանի Հանրապետության ազգային հավաքականի անդամ, ինչով պայմանավորված անհրաժեշտություն է առաջացել նրանց ազատել պարտադիր զինծառայությունից»: