Սիրիայում կառավարական ուժերի և քրդական կազմավորումների միջև բախումներ են տեղի ունենում

Սիրիական հեռուստաալիքները հաղորդում են, որ Եփրատ գետի երկայնքով՝ Դեյր էզ Զոր քաղաքում, բախումներ են տեղի ունեցել Սիրիայի ժամանակավոր կառավարության բանակի և «Սիրիայի դեմոկրատական ուժերի» քրդական կազմավորումների միջև։

«Դեյր էզ Զոր քաղաքում Եփրատ գետի երկու ափերին ՍԴՈւ-ի և սիրիական բանակի միջև բախումներ են տեղի ունեցել հրաձգային զենքի և հրթիռների կիրառմամբ», - հաղորդում է Syria TV-ն։

Ավելի վաղ Դամասկոսի պաշտոնական իշխանությունները և Սիրիայի հյուսիս-արևելքում գտնվող քրդական ինքնավար վարչակազմի ղեկավարությունը միմյանց հասցեին մեղադրանքներ էին հնչեցրել Հալեպի նահանգում շփման գծում հրետակոծությունների և սադրանքների կապակցությամբ։