«Եվրոպացիները պետք է համակերպվեն կամ ձայնները կտրեն». ԱՄՆ-ի ֆինանսների նախարար

902

Ուրբաթ, 15 օգոստոսի, 2025 թ., 01:01

ԱՄՆ-ի ֆինանսների նախարար Սքոթ Բեսենթը Fox News-ին ասել է, որ եվրոպացիները պետք է «համակերպվեն կամ ձայնները կտրեն» Ուկրաինայի հարցի խաղաղ կարգավորման՝ ԱՄՆ նախագահ Դոնալդ Թրամփի ռազմավարության հետ։

«Նրանք անընդհատ ասում են՝ ԱՄՆ-ն պետք է սա անի, ԱՄՆ-ն պետք է նա անի։ Նախագահ Թրամփը երկրորդական մաքսատուրքեր է սահմանել Հնդկաստանի նկատմամբ՝ ռուսական նավթի գնման պատճառով։ Եվրոպացիները դեռ դա չեն արել։ Իրականում եվրոպացիները գնում են հնդկական նավթավերամշակման գործարանների կողմից արտադրված նավթամթերք»,- ասել է Բեսենթը։

ԱՄՆ-ի ֆինանսների նախարարը նշել է, որ Եվրոպան պետք է իր դերը խաղա, եթե ցանկանում է գործել «որպես միասնական ճակատ» Ռուսաստանի դեմ։