«Բանակցությունները կավարտվեն ԱՄՆ-ՌԴ համաձայնություններով, բայց՝ ոչ Ուկրաինայի հարցով». փորձագետ

Ուկրաինացի լրագրող և վերլուծաբան Սերգեյ Գարմաշը «Դոժդ»-ին հայտնել է, որ անձամբ ինքը և Ուկրաինան ընդհանրապես որևէ լավ բան չեն սպասում ընթացող բանակցություններից: Նրա խոսքով, այդ մասին է վկայում ամերիկյան և ռուսական պատվիրակությունների կազմը.

ԱՄՆ-ն ներկայացնում է ֆինանսների նախարարը, առևտրի նախարարը, ռուսական պատվիրակության կազմում նույնպես երեք ֆինանսիստ կա և ոչ մի ներկայացուցիչ Գլխավոր շտաբից:

Բացի այդ, երկու առաջնորդների հանդիպման տեսանյութը նման էր «Պուտինի բենիֆիսին», նշել է փորձագետը:

Գարմաշի խոսքով՝ քիչ հավանական է, որ հանդիպման արդյունքներով ռազմական գործողությունները դադարեցվեն։ «Հնարավոր է՝ ԱՄՆ-ի և ՌԴ-ի միջև որոշ համաձայնություններով ավարտվի հանդիպումը, բայց՝ ոչ Ուկրաինայի հարցով»,- շեշտել է նա։