«Ռուսաստանը զիջումների է գնացել Ուկրաինայի 5 շրջանների հարցում և խոստացել անվտանգության «հուսալի երաշխիքներ». Ուիթքոֆ

Մոսկվան զիջումների է գնացել Ուկրաինայի հինգ շրջանների հարցում, CNN-ին ասել է Թրամփի հատուկ դեսպանորդ Սթիվ Ուիթքոֆը: Նրա խոսքով՝ վաղը՝ օգոստոսի 18-ին, Թրամփը Զելենսկու հետ կքննարկի այն տարածքների հարցը, որոնք «վերջնականապես գտնվում են Ուկրաինայի վերահսկողության տակ»: Ուիթքոֆը հավելել է. «Ռուսաստանի համաձայնած զիջումներն այն են, որ այն «չի կուլ տա ամբողջ Ուկրաինան»:
ԱՄՆ պետքարտուղար Մարկո Ռուբիոն ասել է. «Համաձայնության հասնելու միակ ճանապարհը յուրաքանչյուր կողմի համար ինչ-որ բան շահելն ու ինչ-որ բան զոհաբերելն է: Ահա թե ինչու է Զելենսկին գալիս վաղը»:
Ավելի վաղ The Insider-ը գրել է, որ որոշակի «փոխզիջում» (Կրեմլի տեսանկյունից) տարբերակը հետևյալն է. ուկրաինական զորքերն ամբողջությամբ լքեն Դոնեցկի մարզը, իսկ ռուսական զորքերը դրա դիմաց դուրս կգան Սումիի, Խարկովի և, հավանաբար, Դնեպրոպետրովսկի և Նիկոլաևի մարզերից: Ըստ երևույթին, Զապորոժիեի և Խերսոնի մարզերում ներկայիս իրավիճակը պահպանվում է, բայց այս հարցում որևէ հաստատում չկա: