Հրաձգության հետևանքով զոհվածների թվում է նաև Էկվադորի քաղաքապետի եղբայրը

Էկվադորի Սանտա Լուսիա քաղաքում զինված անձինք կրակ են բացել դիսկոտեկի այցելուների ուղղությամբ՝ սպանելով ութ մարդու, այդ թվում՝ քաղաքապետի եղբորը, հաղորդում է El Universo թերթը:

«Սանտա Լուսիայում խուճապ է»,- գրում է լրատվամիջոցը: Էկվադորի ոստիկանության տվյալներով՝ շենքին մոտեցել է մի մեքենա, որից դուրս են եկել զինված անձինք և սկսել կրակել ամբոխի ուղղությամբ: Դեպքի վայրում հայտնաբերվել են յոթ դիեր, մեկ մարդ մահացել է հիվանդանոցում:

«Մենք դիտարկում ենք տեղի ունեցածի մի քանի վարկած, այդ թվում՝ կապված հանցավոր խմբավորումների միջև բախումների հետ, բայց դեռևս չենք կարող հաստատել, թե արդյոք ակումբի սեփականատերն է եղել հարձակման թիրախը»,- լրագրողներին հայտնել է նահանգի ոստիկանության պաշտոնյաներից մեկը։