«Կարապետյանի ազատազրկումը բացահայտում է իշխանությունների ավտորիտար բնույթը». Արա Աբրահամյան

Կալանավորված գործարար Սամվել Կարապետյանի փորձն ու գիտելիքները պահանջված կլինեն Հայաստանում: Այս մասին հայտնել է Ռուսաստանի հայերի միության նախագահ Արա Աբրահամյանը։ «Անօրինական կալանքն ու ազատազրկումը Կարապետյանին չի դարձնում պակաս ազատ, քան նախկինում էր, այլ ևս մեկ անգամ բացահայտում է Հայաստանի իշխանությունների ավտորիտար, անարդար և անշնորհակալ բնույթը, մի երկրի, որի համար դուք այդքան շատ բան եք արել որպես ձեռնարկատեր և որպես ազգային բարերար։ Համոզված եմ, որ ձեր փորձն ու գիտելիքները դեռևս պահանջված կլինեն Հայաստանում, որը կվերականգնի հարգանքն ու արժանապատվությունը, և որը կդառնա անկախ և բարգավաճ ժողովրդավարական պետություն»,- ասել է Աբրահամյանը՝ Կարապետյանին շնորհավորելով 60-ամյակի կապակցությամբ: