Թրամփը պատրաստվում է սահմանափակել փոստային և էլեկտրոնային քվեարկության համակարգը

ԱՄՆ նախագահ Դոնալդ Թրամփը հայտնել է, որ 2026 թվականի միջանկյալ ընտրություններից առաջ ստորագրելու է հրամանագիր՝ փոստով քվեարկությունից և «վիճելի» էլեկտրոնային քվեարկման համակարգերից հրաժարվելու վերաբերյալ։

«Պատրաստվում եմ առաջնորդել փոստով քվեարկությունից հրաժարվելու գործընթացը, նաև անդրադառնալ ծայրահեղ «ոչ ճշգրիտ», շատ թանկ և վիճելի քվեարկության սարքավորումներին, որոնք տասն անգամ ավելի թանկ են, քան ճշգրիտ, քվեաթերթիկները, որոնք ավելի արագ են աշխատում և կասկածի տեղ չեն թողնում»,- գրել է Թրամփը «Truth» սոցցանցում։

Նա ընդգծել է, որ ԱՄՆ-ն աշխարհում միակ երկիրն է, որը կիրառում է փոստով քվեարկություն, և որ մյուս երկրները հրաժարվել են դրանից՝ ընտրությունների զանգվածային կեղծումների պատճառով։