Ավարտվեց Թրամփի և Զելենսկու հանդիպումը ԵՄ առաջնորդների հետ 

ԱՄՆ-ի նախագահ Դոնալդ Թրամփի, Ուկրաինայի առաջնորդ Վլադիմիր Զելենսկիի և Եվրոպական միության (ԵՄ) երկրների ղեկավարների դռնփակ հանդիպումը Սպիտակ տանն ավարտվել է։

Քաղաքական գործիչները մնում են Սպիտակ տանը՝ բանակցությունները շարունակելու համար, հնարավոր է՝ այլ ձևաչափով։ Այս մասին հաղորդել է Ուկրաինայի նախագահի մամուլի քարտուղար Սերգեյ Նիկիֆորովը, հաղորդում է Strana-ն։

Ավելի վաղ Դոնալդ Թրամփը հայտարարել էր «փոքրիկ քննարկման» մասին Օվալաձև աշխատասենյակում՝ եվրոպացի առաջնորդների հետ հանդիպումից հետո։ Դրանից հետո, հավելել է նա, քննարկումների մասնակիցները «կգնան տուն»։