Սպիտակ տունը հրապարակել է Թրամփի և Զելենսկիի սև-սպիտակ լուսանկարը՝ Ուկրաինայի քարտեզի մոտ

Սպիտակ տան աշխատակազմի ղեկավարի տեղակալ Դեն Սքավինոն հրապարակել է ԱՄՆ-ի նախագահ Դոնալդ Թրամփի և Վլադիմիր Զելենսկու լուսանկարը, որոնք զրուցում են Ուկրաինայի քարտեզի առջև։

Սև-սպիտակ լուսանկարում Թրամփը և Զելենսկին կանգնած են Օվալաձև աշխատասենյակում բացված՝ Ուկրաինայի քարտեզի կողքին։ Լուսանկարում Թրամփը եռանդուն ժեստեր է անում՝ ինչ-որ բան բացատրելով Զելենսկիին, ով, իր հերթին, լուրջ արտահայտությամբ լսում է նրան՝ նայելով իր զրուցակցին։

Հետաքրքիր է նշել, որ լուսանկարում Թրամփը կանգնած է քարտեզի մոտ՝ ռուսական կողմում, մինչդեռ Զելենսկին՝ ուկրաինական կողմում։

«Մինչ եվրոպացի առաջնորդների հետ բազմակողմ հանդիպման գնալը», - լուսանկարին մակագրել է Սքավինոն ինքը։

Ավելի վաղ հայտնել էինք, որ Զելենսկին խուսափել է պատասխանել Ռուսաստանի Դաշնության հետ տարածքների հնարավոր փոխանակման մասին հարցին։