«Տարածքների հարցը կքննարկվի միայն իմ և Պուտինի միջև»․ Զելենսկի

Ուկրաինայի նախագահ Վլադիմիր Զելենսկին հայտարարել է, որ տարածքների հարցը կքննարկի միայն Վլադիմիր Պուտինի հետ։ Այս մասին նա հայտնել է Վաշինգթոնում կայացած գագաթնաժողովից հետո։

«Տարածքների հարցը կթողնենք իմ և Պուտինի միջև»,- ասել է Զելենսկին։

Նրա խոսքով՝ հենց Ռուսաստանն է առաջարկել նախ անձնական հանդիպում անցկացնել, ապա՝ եռակողմ գագաթնաժողով՝ ԱՄՆ նախագահ Դոնալդ Թրամփի մասնակցությամբ, և ինքը համաձայնել է։

Զելենսկին նշել է, որ Պուտինի հետ հանդիպումը պետք է տեղի ունենա «առանց որևէ պայմանի»։

Անդրադառնալով ԱՄՆ նախագահի հետ բանակցություններին՝ Զելենսկին ասել է․ «Սա մեր հանդիպումներից լավագույնն էր»։