«Իրանն ու ՀՀ-ն համաձայնության են եկել Նորդուզի երկրորդ կամրջի շինարարության շուրջ»․ #Tasnim

Իրանն ու Հայաստանը նախնական համաձայնության են եկել Նորդուզի երկրորդ կամրջի կառուցման, գոյություն ունեցող կամրջի բարելավման, տերմինալների արդիականացման և բեռնատարների վճարների ճշգրտման վերաբերյալ։ Այս մասին, Tasnim-ի փոխանցմամբ, հայտնել է Իրանի ճանապարհների և քաղաքաշինության նախարար Ֆարզանա Սադեղը։

Նրա խոսքով՝ Պարսից ծոցը երկաթուղով Սև ծովին ռազմավարական առումով կապող նախագիծն առաջ է ընթանում։

«Իրանում Ջուլֆա տանող երկաթուղային գիծ արդեն գոյություն ունի, հաստատվել է դրա երկարաձգումը՝ Նախիջևանից մինչև Երևան։ Այս երկաթուղային գիծը կարող է կարևոր դեր խաղալ Իրանի, Ադրբեջանի, Հայաստանի և Եվրոպայի միջև տարանցիկ փոխադրումների համար»,- նշել է Սադեղը։