«Պուտինը մերժել է «Օրեշնիկ»-ով Զելենսկու գրասենյակին հարվածելու առաջարկը»․ Լուկաշենկո

Ռուսաստանի նախագահ Վլադիմիր Պուտինը մերժել է Կիևի Բանկովա փողոցում գտնվող Ուկրաինայի նախագահի վարչակազմի շենքը «Օրեշնիկ» զենքով հարվածելու առաջարկը։ Այս մասին լրագրողներին հայտնել է Բելառուսի նախագահ Ալեքսանդր Լուկաշենկոն։

Նրա խոսքով՝ Վլադիմիր Զելենսկու գրասենյակի վրա հարձակման հնարավորության մասին խոսակցություններն իսկապես բարձրացվել են։

«Պուտինն ասել է՝ «Ոչ մի դեպքում»։ Եթե նրանք «Օրեշնիկ» զենքով հարվածեին, իրենց բնորոշմամբ․ որոշումների կայացման կենտրոններին, դրանցից ոչինչ չէր մնա»,- ասել է Լուկաշենկոն՝ նշելով, որ Ռուսաստանի Դաշնությունը, ընդհանուր առմամբ, միտված է խաղաղ կարգավորման։