Շաբաթ, 22 օգոստոսի, 2026 թ.
|
Ստեփանակերտում`   +27 °C

Բայրամովն ու Լավրովը քննարկել են Ադրբեջան-ՌԴ միջկառավարական հանձնաժողովի 23-րդ նիստի արդյունքները

Բայրամովն ու Լավրովը քննարկել են Ադրբեջան-ՌԴ միջկառավարական հանձնաժողովի 23-րդ նիստի արդյունքները
639
Շաբաթ, 23 օգոստոսի, 2025 թ., 18:18

Ադրբեջանի արտաքին գործերի նախարար Ջեյհուն Բայրամովը նախօրեին Աստրախանում կայացած Ադրբեջան-ՌԴ միջկառավարական հանձնաժողովի 23-րդ նիստի արդյունքները քննարկել է իր ռուս գործընկեր Սերգեյ Լավրովի հետ, հաղորդում է Ադրբեջանի արտաքին գործերի նախարարության մամուլի ծառայությունը։
«Գերատեսչությունների ղեկավարները բարձր են գնահատել միջկառավարական հանձնաժողովի նիստի արդյունքները։ Նախարարները քննարկել են նաև երկկողմ և բազմակողմ օրակարգի արդիական հարցեր, քաղաքական, տնտեսական և մարդասիրական համագործակցության տարբեր ասպեկտներ, ինչպես նաև տարածաշրջանային և միջազգային անվտանգությունը», - ասվում է հաղորդագրության մեջ։
Ուրբաթ հաղորդվել էր, որ նիստին մասնակցել են հանձնաժողովի ռուսական մասի համանախագահ, Ռուսաստանի Դաշնության փոխվարչապետ Ալեքսեյ Օվերչուկը, Աստրախանի մարզի նահանգապետ Իգոր Բաբուշկինը, ինչպես նաև Ռուսաստանում Ադրբեջանի և Ադրբեջանում Ռուսաստանի դեսպաններ Ռահման Մուստաֆաևը և Միխայիլ Եվդոկիմովը։

Կարդացե՛ք նաև