«Զելենսկին անհնար է համարել Ուկրաինայի կողմից Դոնբասի ողջ տարածքը Ռուսաստանին զիջելը». #Reuters

Ուկրաինայի նախագահ Վլադիմիր Զելենսկին ԱՄՆ նախագահ Դոնալդ Թրամփի հետ հանդիպումից հետո անհնար է համարել Ուկրաինայի կողմից Դոնբասի ողջ տարածքը Ռուսաստանին զիջելը: Այս մասին հաղորդում է Reuters-ը՝ հղում անելով աղբյուրներին:

Ըստ այդ աղբյուրների՝ մոտ մեկուկես ժամ տևած հեռախոսազրույցի ընթացքում Թրամփը Զելենսկուն տեղեկացրել է Ալյասկայում կայացած գագաթնաժողովի արդյունքների մասին՝ նշելով, որ Ռուսաստանի ղեկավարությունը, իբր, «առաջարկել է սառեցնել առաջնագիծը»՝ ԴԺՀ-ից և ԼԺՀ-ից «Ուկրաինայի զորքերի լիակատար դուրսբերման» պայմանով: Ինչպես նշել է գործակալության աղբյուրը՝ «Զելենսկին ասել է, որ դա անհնար է»: Մեկ այլ հոդվածում Reuters-ը նշում է, որ Զելենսկին «մերժել է այս պահանջը»:

«Washington Post»-ը, իր հերթին, ուշադրություն է հրավիրում այն ​​փաստի վրա, որ Թրամփի զրույցը Զելենսկու և եվրոպացի առաջնորդների հետ, որը հաջորդեց նրանց անձնական զրույցին, «շատ ավելի լարված» էր՝ համեմատած գագաթնաժողովի նախօրեին տեղի ունեցած խորհրդակցությունների հետ։

«New York Times»-ը նախկինում, հղում անելով աղբյուրներին, հայտնել էր, որ Ալյասկայում Պուտինի հետ հանդիպումից հետո Թրամփը եվրոպացի առաջնորդներին առաջարկել է խաղաղության ծրագիր, որը ենթադրում է Ուկրաինայի կողմից Դոնբասի ամբողջ տարածքի զիջում Ռուսաստանին, այդ թվում՝ ռուսական զորքերի կողմից դեռևս չազատագրված տարածքների։