Բլոգեր Արսեն Մարգարյանն իրեն առաջադրված մեղադրանքը չի ընդունել

Մոսկվայի քննչական կոմիտեում բլոգեր Արսեն Մարգարյանին մեղադրանք է առաջադրվել Հայրենիքի պաշտպանների հիշատակը վիրավորելու համար։ Հարցաքննության ընթացքում բլոգերը չի ընդունել իր մեղքը, այս մասին հաղորդել է Ռուսաստանի քննչական կոմիտեի Մոսկվայի գլխավոր քննչական վարչությունը։

«Արսեն Մարգարյանին մեղադրանք է առաջադրվել ՌԴ Քրեական օրենսգրքի 354.1 հոդվածի 4-րդ մասով նախատեսված հանցագործություն կատարելու համար (Հայրենիքի պաշտպանների հիշատակը վիրավորելը, որը կատարվել է լրատվամիջոցների կամ համացանցի միջոցով)։ Հարցաքննության ընթացքում նա չի ընդունել իր մեղքը», - ասվում է հաղորդագրության մեջ։

Ավելի վաղ հաղորդվել էր, որ բլոգեր Արսեն Մարգարյանը ձերբակալվել է ահաբեկչական կոչեր անելու և Հայրենիքի պաշտպանների հիշատակը վիրավորելու կասկածանքով։