Անկարայում ձերբակալվել է Մեքենաշինական և քիմիական արդյունաբերության վարչության նախկին նախագահը

Թուրքիայի Մեքենաշինական և քիմիական արդյունաբերության (MKE) վարչության նախկին նախագահ և փաստաբան Իսմեթ Սաիխանը ձերբակալվել է Անկարայում՝ հանցավոր կազմակերպությանը մասնակցելու և լրտեսության մեղադրանքով: Նրա տունն ու գրասենյակը խուզարկվել են, առգրավվել են փաստաթղթեր և ապացուցողական արժեք ունեցող նյութեր, հաղորդում է Haberler-ը։

Հետաքննությունը տարվում է Սելահաթին Յըլմազի գլխավորած հանցավոր խմբի դեմ հարուցված գործի շրջանակներում: Սաիխանը նաև մեղադրվում է հրետանային արկերի մատակարարման վերաբերյալ ծրագրերի և գների մասին տեղեկատվության արտահոսքի մեջ։

Գործողության շրջանակներում Թուրքիայի մի քանի քաղաքներում ձերբակալվել է 17 մարդ: Դատարանի որոշմամբ ձերբակալվել է 10 կասկածյալ, այդ թվում՝ Յըլմազ խմբի առաջնորդը, 6-ը գտնվում են դատական ​​​​վերահսկողության տակ, իսկ 7-ն ազատ արձակվել։