«Կանադան Ուկրաինայի համար 500 միլիոն դոլարի զենք կգնի Ամերիկայից»․ Շմիհալ

330

Երկուշաբթի, 25 օգոստոսի, 2025 թ., 11:54

Կանադան մոտ 500 միլիոն դոլար է ներդրել PURL ծրագրում՝ Ուկրաինայի համար ամերիկյան զենք գնելու համար։ Այս մասին հայտարարել է Ուկրաինայի պաշտպանության նախարար Դենիս Շմիհալը։

Իր կանադացի գործընկերոջ հետ հանդիպումից հետո պաշտպանության նախարարը հայտնել է նաև, որ քննարկվել է արդյունաբերական համագործակցության ընդլայնումը, մասնավորապես՝ Ուկրաինայի հետ անօդաչու թռչող սարքերի համատեղ արտադրության մեջ ներդրումները։

ՆԱՏՕ-ի գլխավոր քարտուղար Մարկ Ռյուտեն ողջունել է այս հայտարարությունը, որը «հզոր ձևով ցուցադրում է Կանադայի շարունակական հանձնառությունն Ուկրաինայի պաշտպանությանը»։