««3+3» ձևաչափը Հարավային Կովկասի խնդիրների լուծման առավել արդյունավետ մեխանիզմ կդառնա»․ Փեզեշքիան

«3+3» ձևաչափով բանակցությունները (Ադրբեջան, Հայաստան, Վրաստան - Ռուսաստան, Թուրքիա, Իրան) կդառնան Հարավային Կովկասում առկա խնդիրները լուծելու ավելի արդյունավետ մեխանիզմ։ Այս մասին, ՏԱՍՍ-ի փոխանցմամբ, հայտնել է Իրանի նախագահ Մասուդ Պեզեշքիանը՝ ՌԴ նախագահ Վլադիմիր Պուտինի հետ հեռախոսազրույցում։

«Կարծում եմ, որ Իրանի և Ռուսաստանի մասնակցությամբ «3+3» բանակցությունները կդառնան Կովկասյան տարածաշրջանում առկա խնդիրները լուծելու ավելի արդյունավետ և գործուն մեխանիզմ», - Փեզեշքիանի խոսքերն է մեջբերում նրա մամուլի ծառայությունը։

Ավելի վաղ հաղորդվել է, որ Իրանի նախագահը հեռախոսազրույց է ունեցել իր ռուս պաշտոնակցի հետ, որի ընթացքում, ի թիվս այլ հարցերի, քննարկվել են Հարավային Կովկասում տեղի ունեցող զարգացումները։