Երեքշաբթի, 13 հունվարի, 2026 թ.
|
Ստեփանակերտում`   +5 °C

Ռուբիոն եվրոպացի իր գործընկերների հետ քննարկել է Ուկրաինայի հարցը

Ռուբիոն եվրոպացի իր գործընկերների հետ քննարկել է Ուկրաինայի հարցը
556
Երեքշաբթի, 26 օգոստոսի, 2025 թ., 10:06

ԱՄՆ պետքարտուղար Մարկո Ռուբիոն Ուկրաինայում հակամարտության դիվանագիտական ​​կարգավորումը քննարկել է Ֆինլանդիայի, Ֆրանսիայի, Գերմանիայի, Իտալիայի, Լեհաստանի, Մեծ Բրիտանիայի և Ուկրաինայի արտաքին գործերի նախարարների, ինչպես նաև եվրոպական դիվանագիտության ղեկավարի հետ, հաղորդում է ԱՄՆ Պետդեպարտամենտը։

Կողմերը «համաձայնել են շարունակել դիվանագիտական ​​ջանքերը՝ ուղղված բանակցությունների ճանապարհով ռուս-ուկրաինական պատերազմը երկարաժամկետ ավարտի հասցնելուն», - ասվում է հաղորդագրության մեջ։

CNN-ը նշում է, որ Ռուբիոն «քննարկել է Եվրոպայի և Ուկրաինայի արտաքին գործերի նախարարների հետ կոալիցիայի աշխատանքը՝ Ուկրաինայի համար անվտանգության հնարավոր երաշխիքներ ստեղծելու ուղղությամբ»։

Ուկրաինացի նախարար Անդրեյ Սիբիհան X սոցիալական ցանցում հաստատել է, որ Կիևը պատրաստ է «խաղաղությանն ուղղված հաջորդ քայլերին» և «ցանկացած ձևաչափով առաջնորդների մակարդակով հանդիպումներին», - ասվում է հեռուստաալիքի հրապարակման մեջ։