Չորեքշաբթի, 17 դեկտեմբերի, 2025 թ.
|
Ստեփանակերտում`   0 °C

Մակրոնը Նեթանյահուի մեղադրանքները համարում է «վիրավորանք ամբողջ Ֆրանսիայի համար»

Մակրոնը Նեթանյահուի մեղադրանքները համարում է «վիրավորանք ամբողջ Ֆրանսիայի համար»
1071
Երեքշաբթի, 26 օգոստոսի, 2025 թ., 22:54

Ֆրանսիայի նախագահ Էմանուել Մակրոնը նամակ է գրել Իսրայելի վարչապետ Բենիամին Նեթանյահուին՝ Փարիզի կողմից Պաղեստինը ճանաչելու խոստմանը հաջորդած՝ «հակասեմականություն հրահրելու» մեղադրանքներն անվանելով «վիրավորանք ամբողջ Ֆրանսիայի համար», հաղորդում է Le Monde-ը։
Մակրոնը քննադատել է Նեթանյահուի նամակի հրապարակումը նախքան այն ստանալը և մեղադրել Իսրայելի վարչապետին հակասեմականություն հասկացությունը քաղաքական մանիպուլյացիաների նպատակով շահարկելու համար։ Նա շեշտել է Ֆրանսիայի ջանքերը հրեաներին պաշտպանելու և Իսրայելի անվտանգության ուղղությամբ՝ անգործության մեղադրանքներն անընդունելի անվանելով։

Նախագահը նշել է, որ Հոլոքոստի հիշողությունը չի արդարացնում Իսրայելի քաղաքականությունը Գազայում և այլ պաղեստինյան տարածքներում։ Նա իրավիճակն անվանել է «մարդասիրական աղետ» և զգուշացրել տարածաշրջանի և միջազգային անվտանգության համար երկարաժամկետ հետևանքների մասին։

Մակրոնը նաև կոչ է արել Նեթանյահուին համագործակցել միջազգային գործընկերների հետ՝ երկու պետության սկզբունքի հիման վրա խաղաղություն հաստատելու համար և կոչ է արել դադարեցնել Արևմտյան ափի վերագաղութացումը։