«ԱՄՆ-ի հետ ուղղակի բանակցություններ չեն լինի»․ Արաղչի

ԱՄՆ-ի հետ ուղղակի բանակցություններ չեն լինի, հայտարարել է Իրանի արտաքին գործերի նախարար Աբբաս Արաղչին՝ «Asharq Al-Awsat»-ին տված հարցազրույցում։

«Մենք պատրաստ ենք միջուկային ծրագրի շուրջ արդար բանակցությունների։ Ներկայումս երկխոսություն է ընթանում երեք եվրոպական երկրների և ԱԷՄԳ-ի հետ՝ համագործակցության նոր շրջանակ մշակելու համար։ Սակայն ԱՄՆ-ի հետ հնարավոր են միայն անուղղակի բանակցություններ՝ ուղղակի բանակցություններ չեն լինի։ Ամերիկացիները պետք է երաշխավորեն, որ բանակցությունների ընթացքում չեն կրկնի անցյալի սխալը և ռազմական հարված չեն հասցնի», - ասել է Արաղչին։

Դիմելով արաբական երկրներին՝ Իրանի ԱԳ նախարարն ասել է․ «Ինչպե՞ս Իրանը դիմակայեց։ Ոչ թե ԱՄՆ-ի հետ բանակցությունների, այլ իր հրթիռների միջոցով։ Որոշիչ գործոնը ուժն է, այլ ոչ թե զիջումները։ Սիրիայից և Լիբանանից հետո հաջորդը դուք կլինեք, և միայն ուժը կարող է պաշտպանել ձեզ»,- նշել է Արաղչին։