Ռեկորդն այս անգամ չստացվեց

Ռեկորդը, որին գնում էր տնտեսագետ Հովհաննես Գաբրիելյանը, ցավոք, այս անգամ չստացվեց: Հիշեցնենք՝ 38 տարեկան տղամարդը նախատեսել էր լողալով կտրել Սևանի մի ափից մյուսը: Մեկնարկը տրվել էր երեկ՝ օգոստոսի 27-ին ժամը 16:00-ին՝ Կարճաղբյուր համայնքի լողափից: Ավարտը նախատեսված էր այսօր՝ 18:00-ի սահմաններում՝ «Փիրուզե» լողափում: Սակայն 24 ժամ անդադար լողից հետո Հովհաննեսի ուժերը տեղի տվեցին, քիչ առաջ նա բարձրացավ նավակ: Նրա վիճակը լավ է, հանգստանում է: