Մահացել է ռուս քաղաքական վերլուծաբան Տարասովը

Ռուս քաղաքական վերլուծաբան Ստանիսլավ Տարասովը մահացել է 72 տարեկանում։ Այս մասին օգոստոսի 29-ին «Իզվեստիա»-ին հայտնել է նրա կինը։

«Նա թոքերի քաղցկեղ ուներ, վեց տարի պայքարել է հիվանդության դեմ», - ասել է կինը՝ նշելով, որ ամուսինը մինչև վերջ աշխատել է։

Նա հավելել է, որ քաղաքագետը համեստ է եղել և թաքցրել է ախտորոշումը հանրությունից։ Նշվում է, որ Տարասովի հրաժեշտի արարողությունը նախատեսված է երկուշաբթի՝ սեպտեմբերի 1-ին։